ZAHANATI NA NYUMBA YA WATUMISHI ZAZINDULIWA RASMI OLDONYO - MONDULI.

Posted on: December 20th, 2024

Mkuu wa Wilaya ya  Monduli  Mhe.Festo Shem Kiswaga Desemba 20,2024  amezindua  zahanati ya Oldonyo pamoja na  nyumba  ya watumishi  2 in 1 iliyopo Kata ya Lemoot.

Mhe.Festo Shem  Kiswaga  amewapongeza wananchi  wa Kijiji cha Oldonyo  Kwa  nguvu  kazi waliyotoa katika jitihada za ujenzi wa zahanati  hiyo Kuanzia Msingi mpaka kukamilika kwa ujenzi huo.

Ameongeza  kusema kuwa kwakuwa Serikali ya  awamu ya sita inayoongozwa  na Mhe Dkt.Samia Suluhu  Hassan  imeleta  fedha  za ujenzi wa zahanati kwa kila Kata Wilayani  Monduli, ni jukumu la kila mwananchi kuhakikisha  majengo haya yanatuzwa  kwaajili ya matumizi ya sasa na kwa vizazi vijavyo.

Naye Bi Happiness R. Laizer amewashukuru wananchi kwa majitoleo yao katika kuhakikisha ujenzi unaofanyika na kukamilika kwa wakati huku akiwaeleza na kutaja wingi wa fedha zilizotolewa na Mhe. Dkt. Samia Suluhu Hassani Rais wa Jamhuri ya Muungano wa Tanzania kwa Wilaya ya Monduli na kwamba limebaki jukumu letu wananchi kurudisha fadhira mwakani Oktoba,  2025.

Kwa upande wake Ndg. Vicky Mollel mkazi wa kijiji cha Oldonyo amemshukuru sana Mhe. Dkt. Samia Suluhu Hassan kwa kutoa pesa na watendaji wake wote katika  Wilaya ya Monduli kwa kuwakumbuka akina Mama wa Oldonyo huku akiahidi kutoa hamasa kwa Wanawake wenzake kuanza kuhudhuria kliniki na kujifungulia katika zahanati hiyo na kwamba jambo hilo litapumguza vifo vya kina Mama wanaojifungilia nyumbani.

Mhe. Kiswaga amehitimisha kwa kusisitiza kwamba  kwakuwa ujenzi wa zahanati ya Oldonyo umekamilika wakina mama  wajawazito wasijifungulie nyumbani tena kwa kuogopa kutembea umbali mrefu kutafuta huduma badala yake waanze kupata katika zahanati hiyo huduma za kliniki hadi kujifungua, huku akiwasisitiza wahudumu wa Afya kutoa huduma nzuri kwa wagonjwa na wazazi.