Kitengo cha (TEHAMA) kimeanzishwa mwaka 2012/13 kwa kuunganisha kitengo cha Teknolojia ya Habari Mawasiliano na Mahusiano . Kitengo hiki kinaongozwa na Sera ya TEHAMA (2003), na Sera ya Utangazaji Habari (2004). Ibara ya 18 yakatiba ya Jamhuri ya Muungano wa Tanzania.
Majukumu ya Kitengo:
Kutayarisha mpango Mkakati wa kuhusu teknolojia ya habari na mawasiliano, Miongozo na taratibu kwa kuzingatia Sera ya Taifa ya Teknolojia ya Habari na Mawasiliano.
Kuishauri Menejimenti ya Halmashauri ya Wilaya ya Monduli(CMT) juu ya masuala yanayohusiana na sera zinazohusiana na teknolojia ya habari na mawasiliano na utekelezaji wa dhana ya serikali mtandao.
Kuishauri Menejimenti ya Halmashauri ya Wilaya ya Monduli(CMT) juu ya masuala yanayohusiana na sera, miongozo na taratibu zinazohusiana na takwimu.
Kusimamia maendeleo ya teknolojia ya habari na mawasiliano na utekelezaji wake kwa ajili ya Menejimenti ya Halmashauri ya Wilaya ya Monduli(CMT)
Kushirikiana na OWM-TAMISEMI kuratibu na kuendeleza viwango vya teknolojia ya habari na mawasiliano kwa ajili ya “software na hardware” kwa matumizi ya Halmashauri ya Wilaya ya Monduli.
Kuziwezesha taasisi zilizopo chini ya Mkurugenzi mtendaji(W) katika kuendeleza na kutekeleza mipango/miradi ya teknolojia ya habari na mawasiliano.
Kuratibu utekelezaji wa usanifu na kutunza/kuiendeleza matumizi yanayohusiana na Tovuti na utunzaji wa kumbukumbu kwa ajili ya Halmashauri ya Wilaya ya Monduli.
Kutathimini, kuboresha na kusimamia teknolojia ya habari na mawasiliano na usimamizi wa mifumo ya taarifa/habari iliyosimikwa/iliyowekwa kwenye idara na Vitengo vyote vya Halmashauri ya wilaya ya Monduli.
Kufanya tathimini ya mahitaji ya mafunzo juu ya usimamizi wa mifumo ya taarifa na teknolojia ya habari na mawasiliano na kuandaa mpango wa kujenga uwezo
Kufanya tathimini ya hatari/hasara zinazohusiana na miundombinu ya teknolojia ya habari na mawasiliano na mfumo wa usimamizi wa taarifa na namna ya kuthibiti.
Kuendeleza na kutunza Tovuti ya Halmashauri ya Wilaya ya Monduli.
Kutumia teknolojia ya habari na mawasiliano kwenye kushughulikia takwimu na taarifa, kutunza, kuzipitisha hatua mbalimbali, kuzichambua, kuziwasilisha, kuzisambaza na kuzihifadhi.
