WATUMISHI MONDULI WAASWA KUFANYA KAZI KWA KUZINGATIA SHERIA, TARATIBU, NA MAADIL

Posted on: November 14th, 2024

Mkurugenzi Mtendaji wa Halmashauri ya Wilaya ya Monduli Bi. Happiness R. Laizer leo Novemba 14, 2024 amefanya mazungumzo na Watumishi wote wa Makao makuu ya Halmashauri hiyo pamoja na Watumishi wote wa Idara ya Afya walioko Hospitali ya Wilaya ya Monduli kwa lengo la kuwakumbusha watumishi hao kufanya kazi kwa kizingatia kanuni, taratibu na maadili ya utumishi wa Umma.

Akizungumzia suala  la kufanya  kazi  kwa kuzingatia Sheria, taratibu na maadili ya utumishi  wa umma  kwa watumishi hao wawapo kazini, Bi. Happiness amesema kuwa jambo hili ni pamoja  na kuwahi kazini saa 1:30 asubuhi  na kusaini kuingia na kutoka, kutekeleza wajibu mtumishi awapo kazini, suala la nidhamu na  kujieshimu, mavazi kuzingatiwa.

Aidha Bi. Happiness R.Laizer amewataka  watumishi  hao kuzingatia utaratibu wa kujaza majukumu yao kwenye mfumo wa ess - utumishi kwani kutofanya hivyo kutapelekea kuzuiliwa mishahara pamoja na  kutopata promosheni ya aina yoyote, Hivyo  amewaasa wakuu  wa  divisheni  na vitengo  kuhakikisha  majukumu  yaliyoripotiwa na watu  wa  chini ya idara  zao yanafanyiwa kazi na kupitishwa kwa wakati kwa ajili ya hatua nyingine.

Kwa upande mwingine Bi. Lidya Mauki Mkuu wa TAKUKURU Wilaya ya Monduli amepata fursa ya kuzungumza na watumishi hao na kuwaeleza kufanya kazi kwa uaminifu huku akisisitiza kutoshiriki vitendo vya kupokea rushwa ikiwemo zawadi zilizo kinyume na utaratibu wa maadili ya kazi.

Vilevile Bi. Lidya  amewaasa Divisheni ya Maendeleo ya Jamii kuzingatia Sheria na utaratibu rasmi unaofuatwa katika kukagua vikundi

vinavyostahili kupata mikopo ili vikundi vilivyotimiza vigezo pekee ndivyo vipatiwe mikopo hiyo.

Kwa upande mwingine ameitaka Divisheni ya Manunuzi kuwa wasiri na kutangaza tenda kwa kufuata utaratibu bila kuathiri maadili ya Divisheni hiyo.

Naye Bi.Rose Mhina ambaye ni Mkuu wa Divisheni ya Maendeleo ya jamii  Wilaya ya Monduli  ameeeleza utaratibu wa vikundi vinavyochukua mikopo kwamba,kikundi kitambuliwe na afisa  maendeleo ya jamii ngazi ya Kata, kipate usajili, kipate mafunzo  pamoja na kukaguliwa kwa Miradi mbalimbali wanayomiliki.