MONDULI DC YAADHIMISHA SIKU YA KIMATAIFA YAKULEANA NA KUSAIDIANA

Posted on: November 30th, 2024

Shirika lisilo la kiserikali la TUSONGE linalodhaminiwa na UN WOMEN linalofanya kazi zake Wilayani Monduli , Oktoba 30, 2024 katika eneo la Meserani Wilayani Monduli limeungana na mashirika mengine kimataifa kuadhimisha siku ya kuleana na kusaidiana kwa Wanawake na Wanaume kiuchumi, kisiasa na kiongozi ikiwa ndio dhima ya msingi ya ya Shirika hilo ili kuleta maendeleo chanya katika maisha ya Mwanamke na Mwanaume katika jamii.

Akizungumza katika maadhimisho hayo Bi. Aimosaria Minja Afisa Maendeleo ya Jamii Wilaya ya Monduli ametoa shukrani kwa Shirika la TUSONGE kwa kuendelea kuwawezesha Wanawake wa Meserani kwani imesaidia Wanawake wengi kutambua haki zao na fursa mbalimbali katika maisha na kuweza kujikwamua na kusonga mbele kwa kutunza, kusomesha na kulea familia zao huku akihimiza ushirikiano katika malezi kati ya Wanawake na wanaume sambamba na kujishughulisha na shughuli za ujasiliamali na kujipatia kipato.

Naye  Elibrenda  Mwakio ambaye  ni  Mratibu Msaidizi wa mradi huu Mkoa wa Arusha  amesema " Sisi wanawake  ni vyema tukaungana na wenzetu Kimataifa kuadhimisha  siku hii  ya  kusaidiana  na kuleana kwani ni siku muhimu ya  kumheshimisha Mwanamke nami kama  mwanamke imeniheshimisha, hivyo natoa wito  kwa wanaume  na watoto  wa kiume  kuweze Kuona  akina mama  ni nguzo  ya  kidunia na wanapaswa  kupewa heshima  inayostahili.

Kwa upande wake Bi. Eva  Meleji  mkazi  Kata  ya  Meserani  ameshukuru  Kwa  kunufaika  na mambo mbalimbali waliyopata kupitia  Shirika  la TUSONGE kwa mada  nzuri  ambazo kimsingi zimewajenga katika suala Zima la kuleana  na kusaidiana  na  wenza wao kwani  itasaidia jamii  kuishi kwa  upendo  na kuleta maendeleo.

Bi. Aimosaria Minja amehitimisha maadhimisho hayo kwa kuhimiza ushirikiano na mshikamano katika kuleana na kusaidiana ili amani na upendo vidumu katika familia na kuchochea maendeleo binafsi na Taifa kwa ujumla.