DC KISWAGA AKABIDHI MSAADA KWA WAHANGA WA MAFURIKO BONDE LA MTO WA MBU.

Posted on: June 14th, 2024

Mkuu wa wilaya ya monduli Mhe.Festo Kiswaga amekabidhi msaada kwa wahanga wa mafuriko jana tarehe 13.6.2024 Bonde la mto wa mbu wilaya ya Monduli.

Msaada huo wenye thamani ya sh. millioni.12.5 umetolewa na shirika la watoto duniani (UNICEF) ambapo mkuu wa wilaya amekabidhiwa magodoro (100) na blanket (150) kwaajili ya kuwasaidia wakazi wa Mto wa mbu ambao ni waanga wa mafuriko.

Vivyo hivyo, Dc Kiswaga amesema kuwa msaada huo kwa wakazi wa mto wa mbu umetokana na jitihada za Rais wa jamhuri ya muungano wa Tanzania Dkt.Samia Suluhu Hassan kwa huruma zake kwa wakazi wote nakutuma msaada huu kwa watu waliopata maafa lakini pia amesema Rais Samia ametuma salamu za pole kwa wananchi wote waliokubwa na maafa nakutuma magodoro (100) pamoja na mablanket (150) ili kuwasaidia wakazi wa Mto wa mbu.

Kwa niaba ya mkurugenzi mtendaji Bi.Rose mhina ametoa pole kwa wahanga wote walioathirika na mafuriko bonde la Mto wa mbu nakusema kwamba kwakuwa msaada umetufikia kila aliestahili kupata atapata msaada huo kama sehemu ya pole na kwa umoja wa Wana mto wa mbu tumshukuru zaidi mhe.Dkt.Samia suluhu Hassan kwa kuwakumbuka wahanga wa mafuriko.

Hitimisho,wakazi wa Bonde la mto wa mbu wamemshukuru Mhe.Festo Kiswaga mkuu wa wilaya ya Monduli kwa kuwapatia msaada wa magodoro pamoja na blanket lakini pia wamemshukuru Rais wa jamhuri ya muungano wa Tanzania Dkt.Samia Suluhu Hassan kwa upendeleo na huruma kubwa aliyoionyesha kwa wakazi na wananchi wote wa Mto wa mbu kwa msaada uliowafikia.