SIMAMIENI NIDHAMU NA KUDHIBITI UPOTEVU WA VIPINDI

Posted on: September 2nd, 2025

Hakikisheni mnasimamia upotevu wa vipindi pamoja na nidhamu kwa walimu na  wanafunzi  kwakuwa nidhamu nzuri ni chanzo cha ufaulu, na ikiwa mtazingatia ratiba ya vipindi na kuimarisha  mikakati kuelekea mabadiliko makubwa ya ufaulu mliyojiwekea mtaboresha taaluma na ufaulu utapanda zaidi katika Wilaya ya Monduli.

Hayo yamesemwa leo Septemba 2, 2025 na Bi.  Happiness R. Laizer Mkurugenzi Mtendaji wa Halmashauri ya Wilaya ya Monduli katika ukumbi mkubwa wa mikutano wa Halmashauri hiyo; wakati akizungumza na Maafisa Elimu Kata pamoja na Walimu Wakuu wa Shule za Sekondari zilizopo Wilayani Monduli katika kikao kazi chenye dhima ya kuweka  mikakati thabiti ya kuboresha na kuinua zaidi kiwango cha Taaluma katika Shule za Sekondari Wilayani humo.

Akisoma taarifa ya Elimu ngazi ya Sekondari Mwl.Given J. Moye ambaye ni kaimu Afisa Elimu Sekondari amesema kuwa Halmashauri ya Wilaya  ya Monduli ina jumla ya  shule 27 ambapo 16 ni za Serikali na 11 ni shule zisizo za Serikali.

Ambapo Mwl.Given ameeleza kuwa  ufaulu katika Shule zote ni mzuri huku akibainisha matokeo ya mitihani ya Taifa kwa kidato cha pili na cha nne  yanapanda mwaka hadi mwaka ambapo Mwaka  2023 ufaulu ulikuwa asilimia 97.8 na mwaka 2024 ufaulu umeongezeka na kufikia asilimia 98.85 na kupelekea kupata tuzo za pongezi kwa ufaulu mzuri wa viwango vya KPI kwa kidato cha pili nafasi ya kwanza (1) na kidato cha Nne nafasi ya tano (5) Kitaifa kati ya Halmashauri 184.

Kwa upande wake Kimbele Njake Mkuu wa Shule ya Sekondari Manyara, ameeleza mikakati  inayotumika shuleni hapo kuhakikisha wanaondoa daraja "0" na daraja la "4" ikiwa ni pamoja kuhakikisha wanafunzi wanafanya mitihani kwa wingi ikiwemo mitihani ya marudio inayoshindanishwa ya kidato cha kwanza na pili kwa watahiniwa watarajiwa wa kidato cha pili  pamoja mitihani ya marudio ya kidato cha pili na cha tatu  kwa  watainiwa wa kidato cha nne.

Naye Ndg.Raphael Martin Mkuu wa Shule ya Tumaini  Senior Sekondari (binafsi) ameongeza kuwa  mkakati   wake ni kufanya mitihani kwa wingi hasa kutoka shule  zinazofaulisha zaidi ikiwemo St.Francis ambapo hubadilishana uzoefu wa ufundishaji na ujifunzaji.

Sayuni Alex Tarimo Mwenyekiti TAHOSA amewaasa walimu wakuu wote kusikiliza kero na maoni ya wanafunzi kupitia vikao vya madarasa lakini pia kero za walimu wanazokutana nazo darasani na kusimamia mikakati wanaojiwekea ili kupata matokeo chanya.

Bi.Happness R. Laizer amehitimisha kwakuwataka   walimu kufanya hamasa kubwa kwa walimu wenzao mashuleni ili wote kwa pamoja washiriki kikamiifu katika uchaguzi Mkuu wa Oktoba 29, 202