.MONDULI DC YAIBUKA MSHINDI MASHINDANO YA UMITASHUMTA MKOA WA ARUSHA

Posted on: June 16th, 2025

Mkurugenzi Mtendaji wa Halmashauri ya Wilaya ya Monduli, Bi. Happiness R. Laizer, amewapongeza Afisa  Elimu Msingi na Afisa Michezo Wilaya ya Monduli, kwa kusimamia vyema mashindano ya UMITASHUMTA mwaka 2025, ambapo Monduli imeibuka Mshindi wa jumla katika Mkoa wa Arusha ambaye  amejinyakulia vikombe 9 na medali 10 ✅

Bi. Happiness R.  Laizer ametoa pongezi hizo kwa juhudi, nidhamu na mshikamano wa timu nzima ya Monduli nakusema " ushindi huo unaonesha namna sekta ya elimu na michezo ilivyojipanga kuendelea kuboresha na kuibua vipaji vipya na kuvitunza kwa Wanafunzi wetu kwa faida ya Sekta hiyo. "

Bi. Happiness amehitimisha kwa kuwasisitiza Maafisa hao  kuzidi kuhamasisha Wanafunzi Wilayani humo, kushiriki kikamilifu katika Michezo  huku akisisitiza kuendelea kuwekeza zaidi katika Michezo kwa kuwa Michezo ni Afya, Michezo ni ajira.