RAIS SAMIA ATUNUKU KAMISHENI TMA MONDULI.

Posted on: November 28th, 2024

Rais wa Jamhuri ya Muungano wa Tanzania na Amiri Jeshi Mkuu Mhe. Samia Suluhu Hassan amewatunuku Kamisheni Kwa Maafisa Wanafunzi Shahada ya Sayansi ya Kijeshi (BMS) Maafisa wanafunzi Kundi la 05/21 na kundi la 71/23 Regular katika sherehe zilizofanyika katika Chuo cha Mafunzo ya Kijeshi (TMA) Monduli mkoani Arusha tarehe 28 Novemba, 2024.

Maafisa hao  wapya  wamekuwa  Wanafunzi  wa Jeshi la Ulinzi la  Wananchi wa Tanzania (JWTZ) katika  cheo Cha Luteni USU  ambapo  kundi la 05/21 BMS  lenye idadi 74  wamepata  mafunzo  katika chuo Cha Mafunzo ya  kijeshi  Monduli Kwa muda wa  miaka  mitatu  na kuhitimu shahada  ya  Sayansi  ya kijeshi.Aidha  kundi la 71/23 Regular lenye idadi 95  Maafisa wapya  wamepata  mafunzo yao Kwa mwaka  mmoja. Maafisa wapya idadi 88 wamepata  mafunzo  yao  kutoka nchi  rafiki za Afrika  na nje ya bara la  Afika.

Sherehe hizo za  kamisheni  na  mahafali  zimehudhuriwa na viongozi mbalimbali  wa Serikali na kijeshi akiwemo mhe.Dkt Stegomena Lawrence Tax,Waziri wa Ulinzi wa jeshi la kujenga Taifa,Mkuu wa  majeshi  ya Ulinzi  Jenerali  Jacob  John  Mkunda,Mnadhimu  Mkuu wa JWTZ Luteni Jenerali Salum Haji Othman, Wakuu wa  Majeshi ya Ulinzi Wastaafu, Makamanda, Majenerali  Wastaafu wa JWTZ,Mhe.Paul  Christian  Makonda  Mkuu wa Mkoa wa  Arusha, pamoja na  Mkuu wa Wilaya ya Monduli Mhe.Festo  Shem  Kiswaga.