MWENYEKITI WA HALMASHAURI MHE.ISAACK COPRIANO AKABIDHI PIKIPIKI (2) KWA MAAFISA UGANI MIFUGO.

Posted on: May 28th, 2024

Mwenyekiti wa halmashauri ya wilaya ya Monduli Mhe.Isaack Copriano amekabidhi pikipiki mbili (2) aina ya BOXER Kwa maafisa ugani Mifugo ili kuongeza ari na ufanisi katika kazi.

Akisoma taarifa hiyo mbele ya Mwenyekiti wa halmashauri Mkurugenzi mtendaji bi.Happiness Laizer amesema "Tunashukuru serikali ya Jamhuri ya muungano wa Tanzania inayoongozwa na Dkt.Samia Suluhu Hassan Rais wa Jamhuri ya muungano wa Tanzania Kwa kutupatia mgao wa pikipiki mpya mbili,kwani pikipiki hizi mbili zimepokelewa Halmashauri ya wilaya ya Monduli mwezi huu mei kutoka serikali kuu (Wizara ya Mifugo na uvuvi na uvuvi)ili kuongeza ufanisi katika kazi".

Pikipiki hizo mbili wamekabidhiwa maafisa ugani na mifugo,Jemsi Raphael Joseph kata ya Leemoot namba ya pikipiki STN 2446,Na Atanasio Emanoel Bayo kutoka Kata ya Engaruka yenye namba STN 2447.

Amesisitiza mwenyekiti wa Halmashauri wakati akikabidhi pikipiki hizo kuwa zitumike kwa maswala ya kazi za serikali tu na si vinginevyo.