MKUTANO WA KAWAIDA WA BARAZA LA MADIWANI HALMASHAURI YA WILAYA YA MONDULI ROBO YA TATU KWA MWAKA WA FEDHA 2023/2024 UMEFANYIKA TAREHE 15.5.2024

Posted on: May 17th, 2024

Mkutano huo umefanyika wilayani Monduli kwa kipindi cha robo ya tatu ya mwaka wa fedha 2023/2024 katika ukumbi wa Halmashauri.

Katika mkutano huo lengo lilikuwa ni kujadili na kupitisha ajenda mbali mbali kuhusu maendeleo katika Wilaya ya Monduli.

Vivyohivyo,pia baraza limejadili na kupitisha taarifa kutoka kwenye kamati za kudumu za Halmashauri na mamlaka nyingine za Serikali Wilayani Monduli.Ambazo ni pamoja na Kamati ya elimu afya na maji.Kamati ya uchumi, ujenzi na mazingira.Kamati ya fedha, utawala na mipango.Mamlaka ya umeme Tanzania (TANESCO).Wakala wa barabara Vijijini (TARURA),na wakala wa maji vijijini (RUWASA)

Baraza Hilo limejadili kwa undani na kuona ni jinsi gani ofisi ya Mkurugenzi mtendaji pamoja na ofisi ya mkuu wa wilaya kuweza kuondoa tatizo la wanafunzi kubeba mimba mashuleni kwa kuona hilo sekta ya elimu ilichukue kwa ukubwa nakueza kutafuta mbinu thabiti kwa kutumia sheria ili kueza kuondoa adha hiyo ya wanafunzi kupata mimba mashuleni.

Mwenyekiti wa Halmashauri ndug.Isaack Copriano Amesisitiza pia kamati ya fedha utawala na mipango,kwa upande wa ukusanyaji wa mapato na kusema kwamba kujituma katika ukusanyaji wa mapato kwani ukusanyaji wa mapato umeshuka kwa kiwango kikubwa.

Kwa upande wa TANESCO baraza la madiwani limejadili hoja zilizowasilishwa na mwakilishi kutoka mamlaka ya umeme Tanesco Wilaya ya Monduli.Ambapo baadhi ya Madiwani kutoka kata ya Engaruka pamoja na Mswakini kuomba umeme kufikia katika baadhi ya maeneo ya kata hizo ili kuweza kuwasaidia wananchi kutokana na shida yakukosekana kwa umeme.

Akihitimisha baraza hilo la madiwani, Mwenyekiti wa Halmshauri amempongeza Meneja ruwasa wilaya ya Monduli kwa kazi nzuri inayofanyika japo kuwa kuna baadhi ya maeneo ya wilaya ya monduli kuna ukosekanaji wa maji lakini jitihada zinaonekana na zinaendelea kufanyika Kwani wataalamu wako saiti wanapambana.