MITUNGI 50 YANISHATI SAFI YATOLEWA KWA MAMA LISHE NA BABALISHE

Posted on: April 18th, 2025

Mitungi hamsini (50)  ya Nishati  safi (Gesi) imetolewa bure kwa Mama lishe na Baba lishe Wilaya ya Monduli, ikiwa ni moja  ya mkakati Kabambe wa mapinduzi ya matumizi ya nishati isiyo safi yaani mkaa na kuni iliyokuwa ikitumiwa na Watanzania walio wengi.

Mpango mkakati huu  ulioanzishwa na Rais wa Jamhuri ya Muungano wa Tanzania Mhe. Dkt Samia Suluhu Hassan  una lenga kuboresha  maisha ya watanzania kwa kuwafanya waondakane  na matumizi ya nishati isiyo safi ya kuni na mkaa ambayo kwa namna nyingine imekuwa ikichangia kwa kiasi kikubwa uharibifu wa Mazingira kwa kukata miti hovyo ili kuchoma mkaa.

Akizungumza wakati wa zoezi la ugawaji wa mitungi hiyo ya gesi Mhe. Festo Shem Kiswaga amesema " Huyu Mama anataka atuondoe kwenye umaskini; Ukiona Kiongozi mkubwa wa nchi katika hotuba zake anazungumzia suala la kuondoa matatizo na  changamoto kwa watu wa chini basi ujuwe huyo ni kiongozi." Sasa 'Tuseme Moshi basi' .  amesema Mhe. Kiswaga

Naye Ndg. Isack J. Copriano Mwenyekiti wa Halmashauri ya Wilaya hiyo amesema kuwa Rais Samia ameendelea kuwa Rais wa mfano katika nchi yetu hivyo tuendelee kumuombea Mhe. Rais kwa jinsi anavyo wajali Watanzania na Wana monduli.

Kwa upande wake Dkt. George Kasibante kwa niaba ya Mkurugenzi Mtendaji wa Halmashauri ya Wilaya ya Monduli Bi. Happiness R. Laizer, amesema " Tunatambua kazi mnayoifanyo huko ya kuhakikisha Watanzania wanashiba na wanafanya kazi ya kuzalisha  uchumi, na Mama Mhe. Samia ameona atoe majiko ili mpunguze kutumia kuni na mkaa. Amesema Dkt. Kasibante

Naye Ndg. Paulo Mollel Baba Lishe na Mkazi wa Mswakini Wilayani humo amemshukuru Mhe. Rais  Samia Suluhu Hassan kwa kuwapatia nishati hiyo ya kupikia ambayo itawapunguzia adha ya kutafuta kuni na mkaa na hata kuboresha biashara zao huku akisema " Mama mitano Tena".