MDIWANI WENGINE SITA WA CHADEMA WAHAMIA CCM MONDULI.

Posted on: April 30th, 2018

Mkurugenzi mtendaji (w) Monduli Ndg. Anderson S. Ulaya amepokea taarifa za kujiuzulu kwa madiwani sita(6) wa Chama cha Demokrasia na Maendeleo (CHADEMA) na kuhamia Chama Cha Mapinduzi (CCM), Madiwani waliojiuzulu ni Loth Mollel kata ya Meserani, Solomon K mollel kata ya Lolkisale, bariki Sumuni kata ya Monduli juu, Edward lenanu kata ya  Naalarami, Benedict Mawala kata ya migungani na Einoth Leenga viti maalumu.

Kwa mantiki hii idadi ya madiwani waliohamia CCM kutoka CHADEMA imefika saba ukiongeza diwani mmoja wa kata ya moita  Edward Sapunyu aliyejiuzulu mwishoni mwa mwaka jana.

Mara tu baada ya uchaguzi mkuu wa mwaka 2015  CHADEMA kilipata nafasi nyingi za udiwani ukilinganisha na CCM, CHADEMA ilipata viti 18 na CCM viti 9 lakini madiwni wa CHADEMA wameendelea kutimkia CCM siku kwa siku.

Mhe. Julius kalanga ambaye ni mbunge wa jimbo la Monduli (CHADEMA)  katika ukurasa wake wa facebook amekiri kupata taarifa za kujiuzulu madiwani hao. Amesema kuwa chama kimepata  pengo kwa madiwani hao kujiuzulu lakini anaheshimu uamuzi wao wa kikatiba na anawatakia kila la heri huko waendako.

Imeandikwa na E.Msifuni

Afisa TEHAMA (W)

MONDULI.