KIKAO CHA KAMATI YA ELIMU AFYA NA MAJI

Posted on: January 15th, 2025

Mwenyekiti wa kamati ya Elimu,Afya na Maji Mhe.Loth Tarakwa ambaye ni Diwani wa kata ya  Meserani Wilayani Monduli, leo Januari 15 ,2025 katika ukumbi wa Halmashauri hiyo ameongoza kikao hicho chenye lengo la kujadili masuala mbalimbali  ya kielimu, afya na maji ili kuboresha Elimu , afya na upatikanaji wa maji Wilayani Monduli.

Akiwasilisha taarifa  ya robo  ya pili kwa mwaka wa fedha  2024/2025 Bi.Magreth Muro Afisa Elimu Sekondari Halmashauri ya Wilaya ya Monduli amesema "viwango vya ufaulu Kwa kidato cha nne vimepanda  kutoka  98% Mwaka 2023 hadi 99% Mwaka 2024 Kwa daraja la kwanza."amesema Bi.Magreth Muro

Kwa upande wake Mhe.Thomas  Meiyan Diwani  wa Kata ya Monduli juu, amezugumzia tatizo la mimba mashuleni  Kuwa  ni suala linalorudisha nyuma Upandaji wa viwango vya ufaulu huku akisisitiza wazazi wa Wanafunzi hao kuelimishwa juu ya kuwarudisha shuleni Wanafunzi waliopata changamoto ya ujauzito  zaidi ameshauhauri Wanafunzi hao kupewa ushauri  ili waone umuhimu wa kurudi shuleni.

Kwa upande wa Elimu Msingi Ndg. Kirusha Laizer kwaniaba ya Afisa elimu Msingi amesema suala la mimba katika shule za Msingi  limepungua kutokana na juhudi  mbalimbali  zinazofanywa na walimu na wadau  wa elimu.

Naye Dr.George Kasibante ambaye ni Mganga Mkuu Halmashauri ya Wilaya ya Monduli ameieleza kamati hiyo kuwa, hali ya huduma za  afya  katika Halmashauri  hiyo imeboreshwa  na huduma za afya zinatolewa  vizuri kwa kuzingatia utoaji  bora wa huduma (customer care)  katika hospatali,zahanati na vituo vya afya.

Aidha Dr.Kasibante amesema kuwa kwa mwaka huu hadi Sasa Halmashauri imepokea watumishi wapya 79 hivyo kuongeza nguvu kazi katika sekta hiyo na kwamba , vifaa tiba na dawa vinapatikana katika hospatalizi,  Zahanati na vituo vya afya sambamba na kuboresha  huduma za lishe kwa watoto waliochini ya miaka miatano (5) huku miundombinu  ya afya inaendelea kuboreshwa.

Akihitimisha kikao hicho Mhe.Loth amesisitiza utekelezaji wa maazimio yaliyowekwa na kamati, huku akisisitiza utoaji wa elimu kwa wazazi  wa wanafunzi waliopata ujauzito shuleni ili waone umuhimu wa  kuwarejesha wanafunzi  hao shuleni.