MKUTANO WA 12 WA THS MONDULI DC YASHIRIKI

Posted on: October 1st, 2025

Mganga Mkuu wa Halmashauri ya Wilaya ya Monduli Dkt.George Kasibante akiambatana na Mganga Mfawidhi Dkt. Godfrey Kahamba na Roman Living Minja ambaye ni Afisa afya na pia Mwakilishi wa Primary Health Care Council Initiative and innovation Wilayani humo; wameshiriki Mkutano wa 12 wa  Mwaka 2025 Tanzania Health Summit (THS) unaofanyika Jijini Dar es salaam kuanzia leo tarehe 1 hadi 3, 2025 katika  ukumbi wa Kimataifa wa Nyerere (JNICC ).

Ambapo mkutano huo una lengo la  kujadili  juu ya matumizi sahihi ya Takwimu na teknolojia ili kuongeza kasi  ya upatikaniaji wa huduma za afya kwa watu wote Nchini kwa mstakabali wa afya njema ya Taifa na Wananchi kwa ujumla.

Mkutano huo ulioandaliwa na Tanzania Health Summit (THS) kwa kushirikiana na Wizara Afya  na Wadau mbalimbali katika sekta hiyo, umekutanisha washiriki kutoka Wizara ya Afya, wakiwemo Makatibu, watu Mashuhuri, Mabalozi, Mashirika ya Maendeleo ya Afya Duniani (WHO), Mashirika ya Umoja wa Mataifa (UNCEF) , UNFPA, Benki kuu ya Dunia, Viongozi kutoka Asasi zisizo za kiserikali ndani na nje ya Nchi pamoja na washiriki zaidi ya elfu mbili na miatano.

Katika Mkutano huo mkubwa wa Kitaifa na Kimataifa, Ndg. Roman Living  Minja Afisa Afya Halmashauri ya Wilaya ya Monduli  ameiwakilisha vyema  Halmashauri hiyo Kwa kuibuka Mshindi wa kwanza katika category ya Ntuli A. Kapologwe Primary Health Care Implementor Award  na kutwaa  Tuzo pamoja na Medali katika kutambua Umahiri, Kujitolea, Ubunifu na Uongozi katika kuimarisha Mfumo wa huduma za Afya ya Msingi kwa ajili ya Ustawi bora wa Jamii.